أنا أول مرة نكتب هضرة بحال هادي، ولكن جاني واحد المونو مقود ننصح به الناس اللي كانعرف، اللي غارقين فالمخدرات واللي بطالين واللي قراو وقطعو الياس شباب صحاو الخدمة ثم الخدمة ثم الخدمة كيف ما كانت وفين ما جات المهم تكون خدام وكتخطط حيد من بالك الأعذار والظروف حيث راه غير فعقلك، المخدرات الكسل والخوف والتأجيل ولوم الظروف كاملين حواجز كترجعك اللور وكتقتل أي فرصة عندك وكل نهار كضيعو كيسرق منك مستقبلك. الى بقيتي غارق فالمستنقع دالاعذار راه كضيع حياتك بلا ما تحس، الحياة ما كتستنى حد، وما غادي يخرجك من المستنقع اللي غارق فيه غير راسك. إلى بقيتي تلعن الظروف، راه غاتبقى فداك الظرف، وكتعيش العتمة ديالو نهار على نهار، أنا ما غني ما مليونير، ولكن دها مني إلا بغيت تعمل شي حاجة فحياتك راه كلشي بين يديك خاصك غير تعرف راسك شنو باغي وشنو خاصك وكاتبقى مسالة قرار ديك الساعة وما عمرك تقارن راسك بشي حد. شوف راسك نتا فين كنتي وفين وصلتي حيث اللي خلقك ما يضيعكش، وخصك تأمن ما كاينش طريق مختصر وما كاينش شي واحد غادي يعطيك حياتك على طبق. اللي غايبقى يتسنى الفرج بلا خدمة وبلا تعب راه ما غاتحصد غير الندم. يا إما تبني حياتك دابا يا إما تبقى غارق فالأعذار تلعن وتسب المكان والزمان واللي ما تحركش دابا راه عمره يتحرك لا غدا ولا من بعد، ونهار افيق راه ألم الندم اشد من ألم الظروف ووو